Pak Dhe Rotho lan Pak Dhe Rodho

   Pak Dhe Rotho lan Pak Dhe Rodho iku tonggo sing kepitung mung cerak, mulo yo mesthi wis podho mangerteni sifat siji lan sijine. Suwijing dina Pak Dhe Rotho sing lagi mulih seko arisan Ibu-ibu ning balai desa kanggo pidato bab perlune sumbangan kanggo rakyat Palestina, ketemu Pak Dhe Rodho. Wong iku sajak gumun banget weruh duwit sak besek sing arep di setor Pak Dhe Rotho marang Panitia Solidaritas Palestina tingkat kecamatan sing sekretariate cedak kantor kecamatan.

Pak Dhe Rodho:
”Ngopo tho ndadak nyumbang adoh-adoh ning Palestina. Mbok yo nyumbang wong-wong ndesone Mbah marijan sing podho keno wedhus gembel wae. Ben wae kono do perang dewe-dewe, rak yo mesthi jagoku sing menang ( Pak Dhe Rodho ora nyebut jeneng negoro…)”

Pak Dhe Rotho:

”Weee..lhaa, nyumbang nggo gunung merapi ki yo wis mesthi dadi kewajiban, lan aku rak yo wis nyumbang, wingi sore ning pertemuan Bapak-bapak. Malah sampeyan sing durung nyumbang korban Merapi. Durung ono ning daftarku ki…!!”.

Pak Dhe Rodho:
”Lha aku rak wis nyumbang sarung tho!. Arepo wis suwek gedhi, rak yo isih iso dianggo telesan nek lagi adus ning pengungsian tho…?, jare barang bekas yo oleh..”

Pak Dhe Rotho:

“Wooo iyo aku kelingan. Nyuwun pangapuramu yo kang, lali aku menowo sampeyan wis nyumbang sarung. Ning yo aku ora salah yen lali, lha daftar sumbangan barang bekas sing nggowo dudu aku je, Pak Lurah sing nggowo. Aku saukur nggowo sumbangan barang anyar karo duit cash…”.

“Ngertiya yo Kang..!! Aku nyumbang wong Palestina amergo mesak’ake, lagi dipiloro dening Israel sing di-ewangi Amerika. Uga amergo aku salut, hormat, lan muji marang kekendelane Hamas mungsuh serdadu Israel. Ing atase gamane mung apa anane, ning iso dadi satrio. Disegani lan diwedeni dening Israel lan Amerika. Dadi kelingan simbah-simbah mbiyen kang wani perang mungsuh serdadu Walondo lan serdadu Inggris senajan gamane mung bambu runcing.” Pinucape Pak dhe Rotho karo mbrambangi, sajak trenyuh atine.

Ing Liyo dino Pak Dhe Rodho teko ning ngomahe Pak Dhe Rotho, sak perlu  arep titip kunci omah karo pasrah pithik ayam alas lan manuk kuthut kesayangane supoyo dirumat, di pakani lan di ombeni dening Pak Dhe Rotho. Pak Dhe Rodho arep lungo adoh tilik anak ragile sing lagi wae babaran ning mBontang , Kalimantan sisih wetan. Jare sakjerone anak’e ning mbontang, Pak Dhe Rodho durung nate nilik’i.

Pak Dhe Rotho;

“Lhaaa piye tho…? Kok ndadak tilik barang? Rasah, ora sah lungo adoh-adoh ning Kalimantan. Mbok tilik anakmu sing ning nggunung wae. Dheweke rak minggu wingi bar keno wedhus gembel merapi tho?” pinucape Pak Dhe Rotho sajak nge-less.

Pak Dhe Rodho:

”Wahhh…. sampeyan aja ngono tho. Kok njur di balik balikke. Anak ragilku rak yo mesakake nek ora ana keluargane sing niliki. Kamangka bojone lagi tugas ning kantor Jakarta. Mosok terus dinengke wae. Anakku sing keno wedhus gembel merapi ora perlu tak tiliki, wong wis kulino keno kebule merapi  kok. Tur ya wis nelpon aku, nek ora perlu tak tiliki. Lan saiki wis ning pengungsian”

Pak Dhe Rotho:

”Gene… sampeyan ki yo ngerti prioritas? Kok iso-isane wingi ngomong ndadak adoh-adoh mbantu Palestina….. Lha yo kudu di prioritaske dibantu, wong lagi dianioyo dening penjajah. Yo kudu ono sing ngewangi. Paling ora menehi sandang, pangan lan obat-obatan ben iso urip normal koyo sedulur-sedulure ning Indonesia.

Pak Dhe Rodho:
………..( Meneng wae, mleca-mlecu,raine abang…mbuh isin opo jengkel..sajak’e RODHO mangkel.)....( SRT )

Pancen sifate  Pak Dhe Rodho….., ora mung Rodho cethil-methithil  utowo pelit alias  medhit, ning yo Rodho nganyelke alias njengkel ke..!!

Crios Meniko namung Guyonan, supadhos mboten Stress…nggiihhh..!!